Yn de gearkomste fan Provinsjale Steaten fan Fryslân op 12 novimber 2025 is Ronald Oenema fan Oldelamer offisjeel ynstallearre as nij lid fan de Steaten út namme fan JA21.
Hy nimt de sit oer fan Maarten Goudzwaard, dy’t syn Steatelidmaatskip dellein hat yn ferbân mei syn ferkiezing foar de Twadde Keamer. Oenema, wenjend yn Oldelamer, wie sûnt 23 april 2024 kommisjelid foar JA21 binnen Provinsjale Steaten.
Op woansdei 26 novimber sil Maarten Goudzwaard yn de Steategearkomste op it provinsjehûs yn Ljouwert offisjeel ôfskied nimme fan Provinsjale Steaten fan Fryslân.